Blessuð sé minning Úlfs Chaka

Fallinn er frá hæfileikaríkur og fallegur ungur maður.

Ég votta aðstandenum hans mína dýpstu samúð. 

http://www.mbl.is/mm/frettir/innlent/frett.html?nid=1290666 

Blogg fríi lokið

Ætla að byrja að blogga aftur.

 

Sjitt!

Eins gott að þetta verði farið eftir 3 vikur! En þá verð ég akkúrat þarna í miðborginni að sýna Hirti gamlar heimaslóðir :)

Óútskýrð ólykt í Bergen

Ég og Brittní "like ðiss"

Hverjum hefði dottið í hug að ég og Fröken Brittní myndum nokkurn tíma eiga eitthvað sameiginlegt fyrir utan ljósa hárið?

Já nú er nefnilega komið að því. Ég er nefnilega gift körfuboltamanni (einu sinni körfubolti, ávallt körfubolti) sem er akkúrat 2,07 á hæð.

Frábið mér alla brandara um hversu lítil ég er...

Britney á föstu með rúmlega tveggja metra körfuboltamanni

Páskar og dót

Er alveg komin í fílíng fyrir páskunum, sé fram á 5 daga frí sem er töluvert meira frí en jólafríið síðasta. Af hverju er maður þá ekki spenntari fyrir páskunum en jólunum?

Dásamlegt gærkvöld. Fórum í mat til Lalla og Dagbjartar, ég eldaði reyndar enda miklu meira spennandi að elda í öðru eldhúsi en sínu eigin. Þar tók við spil og hvítvín... og svo meira hvítvín og svo óvart rauðvín strax á eftir ásamt góðum skammti af Salem slims. Þetta er bara uppskrift af góðri kvöldstund. Er ég róni? Neinei.

 Svo er djamm annað kvöld, reyndar með kvenfólki sem ég þekki ekki neitt en það er bara spennandi

Bleh...

Bófi

Ég er bófi, bloggandi í vinnunni...

 En sko, ég varð bara að senda afmæliskveðju. Já af því að ég hef ekki aðgang að Bylgjunni og svona. Það var náttúrulega töff hérna 1987 að senda afmæliskveðju í útvarpið.

Minn elskulegi "litli" bróðir, sem er staddur í þessum töluðu orðum að spila ólsenólsen undir stráskýli við merkilegt fljót einhversstaðar í Asíu og örugglega að drekka bjór meððí, er 23 ára í dag.

Ógeðslega gamall náungi!

Afmæli!

Ég á afmæli í dag.

 Eða svona næstum því.

Ár í dag síðan ég var skorin. Ár síðan ég var feit. Ár síðan ég titraði af hræðslu við hið óþekkta og Ár síðan líf mitt breyttist til hins betra.

Breyttist úr þessu í hitt.... Þarna skilja að  "aðeins" 73 kíló

 

Verkkvíði

Sótti um skattaskýrslufrest. Vissi samt alveg að ég gæti klárað hana fyrir fyrri tímamörkin en leið bara betur að vita að ég hefði viku lengur.

Svo tók mig 10 mínútur að klára hana. Pís of keik.

Þoli ekki hvernig maður getur miklað hlutina fyrir sér. Þetta er orðið svo einfalt í dag. Búið að gera þetta algerlega idjótprúf svo ég skil ekki þetta væl í fólki (og sjálfri mér)

Svo hef ég verið að hugsa um að vera svolítið íslensk.  Þannig er nú það að ég bý í 30 ára gamalli íbúð, sem er með upprunalegum innréttingum í eldhúsi, baðið þannig séð allt í lagi en margt hætt að virka. Sem og parketið er ónýtt, allir gluggar í húsinu eru ónýtir, rafmagnið dúbíus... Svo ég var að spöglera. Eigum við að taka framkvæmdarlán og drífa í þessu? Eða bara vera rosa dönsk og kaupa einn krana í einum mánuði og vaskinn þann næsta og vera í 10 ár að þessu?

 

 

Ég veit hvaða vindátt er...

...þegar það er prumpulykt þegar ég stíg út á morgnana.

Voðalega þægilegt og truflar mig ekki neitt. 

Hveralykt yfir höfuðborginni

Hjónin?

Þetta er nú svei mér sniðugt. Afla sér smápeninga með því að selja ljósmyndir. Ég þarf greinilega að komast í svona díl.

Annað, af hverju er alltaf talað um þau sem hjón, þau sem eru ekki gift? 

Angelina og Brad fá 134 milljónir fyrir myndir af nýja syninum